Makaruli omiljeno jelo mnogih od nas. Neko ih voli sa toćevima, neko sa sirom i prelivima, a evo kako se spremaju u Baru.

Ukoliko i vi imate neki recept pošaljite nam, a mi ćemo ga podijeliti sa čitaocima.

Kovačević Milica – “Kroz brvacke pinjate” Brca 2021.

“Za makarule se uzimlje oštro brašno. Činjele su se na isti način, jajima i bez jajik. Kad činiš bez jajik pođe ti malo više vode. Ma su se za svadbu jaja stajala. Kad staiš jajik i soli ne mogu mlogo izdurati i moraju se odma trošiti.
Oˊpreše ti je stari, drveni taulin. Tijesto zagrebaje na grubu površinu, pa se em bolje ugotovi, em se lakše razvijaju makarule. Ako nemaš takvi taulin, uzmi drvenu šticu pa na nju razvijaj makarule.

Na ½ kg brasna staji
2 jaja,
tevećeli ćikaru (200 ml) vode,
ložicu ulja
i ložičicu od kafe soli

Na taulin stai brašno i učini mu jamicu. 2 jaja, ložicu ulja i soli zamuti vodom i to uli u brašno, polako ga muti da dobiješ grudu tijesta. Dobro je ugotoji, sve dodajući po malo brašna, da bude debelo i tvrdo tijesto. Kad tijesto više ne može da prima brašno poklopi ga sančićom i ostai da počine po ure.
Poslije ga pregotoji, i dodani od preostaloga brašna, pa neka zastane još 5 minutik.
Gotovo je kad bude glatko i kad se odvaja od rukak i od taulina.
Seda učini od onoga tijesta jedan štruc i okini od njega komat. Učini makarulu debelu koliko mali prst, pa kidaj tijesto dužine isto koliko mali prst. Uzmi jednu debelu iglu pletenicu i pani je u ulje. Okolo nje na taulin savij komatić tijesta i razvijaj ga u makarulu. Izvadi iglu. Makarula ispane kratka i debela.
Njektere domaćice čine makarule na zungu ili na spicu, sve jedno.
Naredi ki na jedan lencun, ali na tavajolu, 3-4 ure da se suše. Kad ćeš da ki variš, stajaj ki u ključalu, slanu, vodu.
Vare se pola ure. ”

Izvor : jedro.bar